ඔබ මුළා කරන දිනපතා ලග්න පලාපල

 ප්‍රවීණ ජෝතිර්වේදී
ජාත්‍යන්තර හා දේශීය රන් සම්මාන ලාභි
ආචාර්ය කේමන් කුලසිරි
0777 406178 
සුකුමාල සිකුරු ග්‍රහයා හිමි තුළ රාශියේ ගමන් ගනිමින් ,විටෙක වක්‍ර වෙමින් තවත් විටෙක නිවෘත වෙමින් අයින වීමෙන් හා උදා වෙමින් වසර දෙකහමාරකට වැඩිකාලයක් ලෝකයට විවිධ හොඳ නරක සමබරව තරාදියක දා කිරා මැන බලමින් නිසි ප්‍රතිඵල දිය යුතු තැනට නිවැරදිව ලබා දෙමින්ද අසුභ ඵල ලබා දිය යුතු තැනට එම අසුභ ඵල ලබා දෙමින් ඉතාම සෙමින් ගමන් ගත් දුකට අධිපති මහ ජනතාව නියෝජනය කරන ශනි හෙවත් සෙනසුරු ග්‍රහයා 2014 නොවෙම්බර් මස 02 වන දින සුර්ය මායා ක්‍රමයෙන් 16 භාග 37 පැය 17 විනාඩියට ප්‍රචණ්ඩ කුජ හෙවත් අඟහරුගේ රාශියක් වන වෘච්චික රාශියට ගෝචර වීම සිදුවනු ඇත.එම වෘච්චික රාශියට ඉතාම අසුභ වන්නේ සෙනසුරුට සතුරු රාශියක් වන බැවිණි.සෙනසුරු මහලු දුර්වල රෝගී කකුලක් නොන්ඩි කොර ගසන චරිතයක් වන බැවින් වෘච්චික ඉතාම ජව සම්පන්න තරුණ ප්‍රචන්ඩකාරී චරිතයක් හොබවන බැවින් මෙම චරිත දෙක එකතැන තැබීමෙන් සාමය නොවන බවද නිතර මහල්ලා දෙන උපදෙස් තරුණයා පිලි නොගන්නා බැවින් නිතරම ගැටළු නිර්මාණය වනු ඇති බැවින් සෙනසුරු ග්‍රහයාගේ වෘච්චික රාශියට සම්ප්‍රාප්තිය කෙසේවත් සුභ යැයි සඳහන් කිරීමට අපහසු වනු ඇත.මේ සිද්ධාන්තයන් දෙස බැලීමේදී මාගේ ජෝතිෂ්‍ය දැනීමේ ශක්තිය අනුව ශ්‍රී ලංකාව හා මුළුමහත් ලෝකයට කෙසේ බලපානු ඇත්දැයි මෙසේ සවිස්තරාත්මකව පෙන්වා දෙන්නෙමි 
පළමුව විශ්වය දෙස බැලීමේදී විශ්ව ග්‍රහ විෂමතා ඇතිවීම තුළ අභ්‍යවකාශයේ හටගන්නා වෙනස්වීම් රැසක් නිර්මාණය වන්නට හැකි බවද ඒ තුලින් දේශගුණික හා කාලගුණික වෙනස්වීම් රැසක්ම සිදුවන බැවින් ජලය පිලිබඳ තද ගැටළු ඇතිවනු පෙනේ.ඉතාම දිගු නියඟයකට භාජනය වීමෙන් ලෝකයේ විවිධ රටවල මහා ගිනිගැනීම් හා ආහාර හිඟ වීමද සිදුවන අතර සොයාගැනීමට පවා අපහසු විෂබීජ නිර්මාණයවී පුදුම හිතෙන රෝගවලට ඉතාම දුප්පත් රටවල ජනතාවට ඒවා බලපෑමෙන් විශාල මිනිස් සංහාරයක් අසන්නට දකින්නට සිදුවේ.විශ්වයේ අලුත්ම සොයාගැනිම්ද නව ග්‍රහ ලෝකයක තොරතුරක් විදු ඇසට අසුවනු පෙනේ.නවතම සංහාරක අවි නිපදවීමක් ගැනද ත්‍රස්තවාදී ක්‍රියාවන් හා සංවිධාන වල ඉතාම දරුණු ක්‍රියාකාරකම් රැසක් ඇතිවී ප්‍රභල රටවල මහා විනාශයක්ද ඇති කරන්නට සමත් කාලයක් බැව්ද පෙනේ.රට රටවල යුධ ක්‍රියාධාමයන් වල ඉතාම වැඩිවීමක් වන අතර අ තුළින් විශාල මිනිස් ඝාතන ප්‍රමාණයක්ද සිදුවන්නට නියමිත වන්නේය.අවි අයුධ හා මත් ද්‍රව්‍ය පිලිබඳ ඇති විශාල ජාවාරම් වැඩි වීමද සිදුවනු ඇත.දරුණු ගිනිකඳු පිපිරීමක්ද අසන්න දකින්න සිදුවියහැකි බවද ගුවන් අනතුරු හා දුම්රිය අනතුරු බහුලව සිදුවන්නටද පිළිවන.දේශපාලන වශයෙන් ලොව බලවත්ම රටවල නායකයන්ට එම පුටු අහිමි වන්නටද ජනතා අරගල වැඩි වනු ඇති බව ද පෙනී යයි.ප්‍රධාන පෙලේ නායකයන්ට නීතියේ රැහැනින් කරදර සිදුවී දඩුවම් ලැබීමට සිදුවන කාලයක් ලෙසද පෙනී යයි.නීතියේ ආධිපත්‍ය වැඩිවනු ඇති බවද ජනතාවට එයින් සුබ ඵල අත්වන බවද මුළුමහත් ලෝක ජනතාවට සතුටු වන්නට හැකි තත්වයක් නිර්මාණය වනු පෙනේ.
අප ශ්‍රීලංකාවට ලග්නාධිපති සෙනසුරු වන බැවින් එම සෙනසුරු සතුරු රාශියක් වන වෘච්චිකට පැමිණීම එතරම් සුබ ඵලයක් බලාපොරොත්තු විය නොහැකි වන්නේ රාජ්‍ය සේවා අංශ වල අවුල් සහගත තත්වයක් ඇති කරවන්නට සමත් වන බැවිණි.උද්ගෝෂණ ,වැඩවර්ජන හා මහජන කැළඹිලි ඇති කරවන්නටද රාජ්‍ය සේවා අංශ වල සේවා කටයුතු අවුල් කරන යම් විරුද්ධ බලවේගයන් ක්‍රියාත්මක වීමක්ද සිදුවන්නට හැකි අත‍ර රාජ්‍ය නීති අංශ වලටද එම තත්වය ඇතුල්විය හැකි බවද පෙනී යයි.නීතියේ රැහැන තව තවත් වැඩිවී නරක වැඩ වල යෙදෙන අයට දැඩි දඩුවම් ලැබෙන බවද පෙනී යයි.සමහර රාජ්‍ය අංශ වල ගන්නා තීරණ නිවැරදි අවබෝධයෙන් තේරුම් නොගැනීම නිසා බොහෝ පුද්ගලික හා රාජ්‍ය අංශ වල අවුල් සහගත තත්වයන් ඇතිවීම සිදුවන්නේය.අවි අයුධ බාවිතා කරන අයට ඒවා නිසාම කරදර විඳින්නට සිදුවන කාලයකි.විෂම රෝග තත්වයන් වල යම් වැඩිවීම් සිදුවීම නිසා සෞඛ්‍ය අංශ වල ගැටළු ඇති වනු ඇත.
පොළවෙන් ලැබෙන දේ වැඩිවන්නට හේතු වන ඇති බැවින් මැණික් ඉල්ලම් පෑදිමක්ද .වගා කටයුතු වල යම් සාර්ථක ඵල අත්විමක්ද ඇතිවන බැවින් වර්ෂයේ මුල් කාලයේ පැවති අහාර මිල පහත වැටිමක්ද සිදුවනු ඇත.වඩා වැඩිපුර වියලි තත්වයක් වර්ෂය මැද සිට ආරම්භ වී ගොවිතැන් වලට ගැටළු ඇතිවන්නටද හැකි බව පෙනේ.වර්ෂයේ මැද භාගයෙන් පසු ලැව් ගිණි ඇතිවීමක්ද සිදුවනු පෙනේ.
දේශපාලනය දෙස බැලීමේදී පෙනීයන්නේ සියලු දේශපාලන පිරිස් එකට නැගී සිටීමක් සිදු නොවනු ඇති බවත් පිල් බෙදීම් තව තවත් වැඩිවන බවකි.එම නිසා අලුත් දේශපාලන පක්ෂ බිහිවීමක්ද ඇති විය හැකිය .ලබන වර්ෂයේ මැතිවරණ වර්ෂයක් ලෙස ඇතිවන්නට බොහෝ ඉඩ ඇති බැවින් සෙනසුරු ග්‍රහයා සෙනසුරු ග්‍රහ සතුරු රාශි ගත වීමක් සමගම මහ ජනතාව හා දුගී ජනතාව නියෝජනය කරන්නේ සෙනසුරු නිසා යම් ගැටළු සහගත තත්වයන් හා අවුල් සහගත තත්වයන් ඇතිවන්නටද පිළිවන.එසේ උවද මහජනතාවට ලැදි දේශපාලන පක්ෂ වටා මහජනයා රොක්විමක් සිදුවනු ඇත.
අතිගරු ජනාධිපති මහින්ද රාජපක්ෂ මතිදුන්ගේ ලග්නය වන කන්‍යා ලග්නයෙන් තුන් වැන්නට සෙනසුරු පැමිණීම නිසා සෙනසුරු තුන් වැන්නට සුභ ඵල අත්කර දෙන බැවින් ලබන වර්ෂයේ ජනාධිපතිවරණය තැබුවොත් ස්ථිරවම තුන්වන වරටත් ශ්‍රී ලංකාවේ ජනාධිපති ධුරයට වැඩිම මනාප ප්‍රමාණයක් ලබමින් ලබාගනිමින් පත්වනු ඇත.
ජනතා සුභ සිද්ධිය වැඩිවන අතර රාජ්‍ය පාලක පක්ෂ වලට යහපත සේම විපක්ෂයේ අවුල් වැඩි වී හවුල් පක්ෂ හා සුළු පක්ෂ වල කැඩී බිඳී යාමද අඩු නොවනු ඇත.
ආගමික තත්වය මුල් කරගෙන කටයුතු කරන කොටස් වැඩි වීමක්ද සිදුවන අතර ඒ තුළින් ජනතාව අතර නොසන්සුන්තා ඇතිවීමට පිළිවන.අධ්‍යාපන අංශ වලද එතරම් සුභ දායක තත්වයක් නොපෙනෙන අතර යම් උසස් අධ්‍යාපන ආයතන තුළ ගැටළු ,උද්ගෝෂණ ඇතිවිය හැකිය.විදේශ ත්‍රස්තවාදී කල්ලි වල හොල්මන් අප රට තුලට අතුලුවිමට උත්සහ දැරීමක් වැනි සිදුවීමක් ඇතිවිය හැකිය.
දේව ඇදහිලි විශ්වාසයේ වැඩිවීමක්ද පෙනේ.අගම දහමට වඩා වැඩි නැඹුරුවක් දක්වන්නේ ඉක්මන් ඵල අත්කරගැනීමේ ආශාවන් වැඩිවීම මිනිස් සිතා තුළ ඇතිවන බැවිණි.එම නිසාම පන්සලට වඩා දේවල වලට ඇදී යන පිරිස වැඩිවනු ඇත.
කළා කටයුතු අංශ වලට එතරම සුභ කාලයක් නොවන්නේ කුජ හා ශනිගේ සතුරු ග්‍රහ බල ක්‍රියාත්මක වෙමින් සිකුරුට බලවත් වීමට ඉඩ නොදෙන බැවිණි.එමගින් කළා කටයුතු වලද යම් යම් අවුල්සහගත තත්වයන් ඇතිවන්නට එම සංගම් තුලට දේශපාලනය ඇතුළු වීමකින් අවුල් සහගත තත්වයක් ඇතිවන්නට බොහෝසෙයින් ඉඩ ඇත.එසේම කළා අංශයේ සංගීත කේෂ්ත්‍රයේ ප්‍රභල කෙනෙකුන්ගේ අභාවයක් සිදුවන්නට පිළිවන.
කෙසේ නමුත් සමස්ත වශයෙන් ශ්‍රීලංකාවට තදබල ගැටළු ඇති නොවන අතර ආර්ථික අංශ හා කොටස් වෙළඳපොල තුළ වර්ධනයක් ඇතිවන අතරම අලුත් ව්‍යාපාර හා විදේශ ආයෝජකයින්ගේ ඇති විශාල වැඩි වීමක් ශ්‍රීලංකාව තුළ ඇතිවන්නේය.සංචාරකයන්ගේ පැමිණීමේ වැඩිවීමක් දක්නට ලැබේ එසේම සංචාරක අංශ වල වැඩිම වාර්තාගත අදායම් ලැබිමක්ද සිදුවනු ඇත.
විදෙස් රටවලින් වෙනත් ආධාර උපකාර වැඩිවන්නේ සිතා සිටි තත්වයන් අභිබවා බව පෙන්නුම් කෙරේ.
කෙසේ නමුත් සමස්තයක් වශයෙන් තුලා ලග්නයට තවත් වසර 2.5 ක් ද වෘච්චික ලග්න කරුවන්ට වර්ෂ 5 ක්ද ධනු ලග්න හිමියාට වර්ෂ 7.5ක් ද සෙනසුරු ලග්න ඒරාෂ්ඨක ඇතිවන අතර මේෂ ලග්න හිමි අයවලුන්ට සෙනසුරු ලග්න අෂ්ටම ඒරාෂ්ඨක වර්ෂ 2.5ක්ගත කරන්නට සිදුවේ.මේ අනුව එම ලග්න හිමි සියළු ලෝකවාසී ජනතාව නිතර තමාගේ හිතට එකඟව කුසල් සිත් ඇතිව මෛත්‍රී සිතුවිලි ඇතිකරගෙන ඉදිරියට ඇතිවන විපත් වලින් ආරක්ෂා වී සිටීමට තමන්ගේ ආගමට අනුව කටයුතු කරමින් දැහැමිව සිටිනලෙස දැනුවත් කරමි.
වැදගත් කියල හිතුණ නම් අපේ පිටුවට like එකක් දාලම යන්න >>>
https://www.facebook.com/…/Astrology-The-m…/302755829894415…
යාලුවන්ටත් දැනගන්න share කරන්න.